Жобаның «Оқыту және кеңес беру» бағыты

Семинарлар мен іс-шаралар

Шаруашылықтар деңгейіндегі және консалтинг саласындағы тікелей мақсатты топтардан басқа, қазіргі заманғы және тұрақты мал шаруашылығы мен сүт өндірісі туралы ауылшаруашылық құрылымдарының кең ауқымына  тиісті ақпарат ұсыну жоспарлануда. Бұл семинар түрінде өткізілуі мүмкін, оны «Aтамекен» кәсіпкерлер палатасының оқыту бағдарламасы аясында өткізуге болады. Сонымен қатар, шаруашылықтарды біріктіріп оқыту бойынша Неміс ауылшаруашылық орталығымен тығыз жұмыс жасау керек.

Консалтинг

Шаруашылықтар деңгейінде кеңес беру тұжырымдаманың өзегі  мамандарды өндірістен қол үзбей қарқынды ұзақ мерзімді оқыту (коучинг)  арқылы жүзеге асырылады. Бұл шаруашылықтар мамандары үшін де, кеңес беру мамандары үшін де практикалық жұмыс тәжірибесін алуға мүмкіндік береді. Жұмыстағы оқыту мен білім беруден басқа қосымша шараларды (мысалы, тәжірибе алмасу, ақпараттық сапарлар) анықтау керек.

Институционалды деңгейде өндірістік консалтинг  (ең алдымен «Мал шаруашылығының ғылыми-инновациялық орталығы» ) және Аграрлық несие корпорациясының қаржылық консалтинг саласының мамандары кәсіби кеңес беру және инвестицияларды бағалау саласындағы маман дағдыларын нығайту мақсатында жобалық шараларға қатысады.

Демонстрациялық күн

Жыл сайынғы демонстрациялық күндер (мысалы, сиыр қораларын көрсету немесе жем дақылдарын өсіру бойынша дала күндері), мүмкін болса Неміс ауылшаруашылық орталығымен бірігіп өткізіледі.

Германияда біліктілікті арттыру

Жылына 2 мамандандырылған ақпараттық сапар (шамамен 1 апта) пилоттық шаруашылықтар мен серіктес институттардың 10-ға жуық қазақстандық мамандары мен басшылары үшін ұйымдастырылады.

Жобаның «Инвестициялар және субсидиялау» бағыты

Сүт секторын қаржыландыру бағдарламалары

Жобаның қызметі Қазақстандағы Ауыл шаруашылығы министрлігіне сүт өндірісін қолдаудың нақты бағдарламаларын әзірлеуге және іске асыруға көмектесу мақсатында 2018-2027 жылдарға арналған сүт секторының бағдарламасына сәйкес келеді (интеграцияланған, тұрақты және бәсекеге қабілетті сүт секторы, сүт өндірісі мен қайта өңдеу, азық-түлік қауіпсіздігі, импортты алмастыру).

Осы мақсатта негізінен нарықтық экономикаға бағытталған отбасылық шаруашылықтар (жеке қосалқы шаруашылықтардан басқа) кеңейтілуі керек, атап айтқанда, қазіргі уақытта коммерциялық бағытта жұмыс істеп тұрған 380 отбасылық кәсіптен шамамен 170 сүт сиыры бар 930 фермаға дейін. Қазақстан мамандарының есептеуінде 50 сиыры бар 100 ферма, 100 сиырмен 200 ферма, 200 сиыры бар 150 ферма және 400 сиыры бар 100 ферма бар. Ірі шаруашылықтардың санын 2027 жылға қарай 108 ірі шаруашылықтан 170 шаруашылыққа дейін (оның ішінде 600 ірі сиыры бар 45 ірі шаруашылық және 1200 сиыр ұстайтын 25 шаруашылық) көбейту қажет. Сүт өндеу өнеркәсіптерінің саны ең аз дегенде 163-тен 174-ке дейін ұлғаяды.

Инвестициялық консалтинг

Мемлекет жеңілдетілген несиелермен бағдарламаны жүзеге асыруды сүтті субсидиялауды қысқарту, пайыздық мөлшерлемені төмендету және ұзақ мерзімді несиелеу, сонымен қатар жақсартылған инфрақұрылым және ауылшаруашылық сақтандырудың кеңейтілген спектрі арқылы қолдайды. Инвестициялар мемлекеттік Аграрлық несие корпорациясының субсидияланған несиелері арқылы ынталандырылады.

Алдағы уақытта сүт өндірісі бойынша алға қойылған мақсаттарға қол жеткізу және ауылшаруашылық инвестицияларды қолдау тиімдірек болу үшін өндіріс тізбегінің барлық сатыларында, оның ішінде қызмет көрсету бойынша кәсіби біліктілікті дамыту қажеттілігі туындап тұр. Мемлекеттік сектор бағдарламасында инвестициялардың тұрақтылығын қамтамасыз ететін қажетті кеңес беру қызметке қатысты нақты стратегияны қамтымайды. Шетелдік консалтинг компаниялармен ынтымақтастық бар, мысалы, Италиядан, Украинадан, Ресейден, Франциядан, Канададан, олар инвестициялық кеңестер алу үшін шақырылады. Сондай-ақ, халықаралық сарапшылар инвестицияларды жүзеге асыру бойынша кеңестер ұсынады, бірақ өнеркәсіптік және институционалды деңгейде жергілікті жүйелі түрдегі сараптаманың  жетіспеуі байқалады. Бұл, әсіресе халықаралық кеңестерді қаржыландырмайтын коммерциялық бағытта жұмыс істейтін отбасылық шаруашылықтар үшін өте маңызды.

Сүт өндірісінің көрсеткіштері

Сүт өндірісін дамыту (2018 — 2027 сүт секторы бағдарламасы бойынша болжам)

Көрсеткіштер  Қазіргі жағдай 2027 жылға дейінгі жоспарланған мақсаттар
Отбасылық шаруашылықтар (саны) 380 930
Ірі сүт шаруашылықтары (саны) 108 170
Сүт өндеу өнеркәсіптері (саны) 163 174
Жұмыс орындары (мың адам) 13,8 21,5
Бір адамға және бір жылғы  өндіріс (мың доллар) 15 24